Zamorako ikerketa zentroa. Proiektu basikoa.

Hall-ari bueltak ematen...

Hall-aren espazioari beste buelta bat eman ondoren, eta, lehengo hall-aldiriko erakusketa ideia jarraituz, sotoa, lehen solairua eta bigarren solairua komunikatuko dituen plataforma bidezko espazio bat antolatu nahi da.

Horretarako baliagarria izan zaigu OMA arkitektu taldeak eginiko Prada dendako hall-aren antolamendua. 

Barneko patioaren inguruan zenbait erabaki

Kanpo irudiari dagokioneko erabaki batzuk ditugu sarrera honetarako.

1º Hegoaldera eta mendebaldera ematen duten altxaerak eguzkiztapen babesa beharko dutela uste dugu. Horretarako hegal bat planteatuko dugu.

Eguzki babesaz gain hegal honek zamorako eguzkiarekin, itzalgune horizontal handi bat sortuko digu. Gure barneko banaketa ezkutatzen lagunduz  eta parkea eta gure espazioaren arteko jarraitasun itxura potentziatuz.

2ª Barne aldeko altxaerak ahalik eta garbienak izan daitezen, beirateen arotziak egituraren atzean ezkutatzeko erabakia hartu dugu. Honela arintasun pertzepzioa bultzatuz.

Lehen solairuaren antolaketa berria

Lehen solairua bulego, mintegi eta geletara zuzendua dago. Solairu honen distribuzioarekin bueltaka hasi ginenean beheko espazioen izaera jarraiarekin zerikusirik ez zuen antolaketa batetara iritsi ginen. Antolamendu honetan bulego, mintegi eta gelak elementu itxi moduan planteatzen genituen, eta, ondorioz, oso espazio gogorra sortzen zen, beheko espazioarekin kontraste handia egiten zuena. Hori horrela, beste buelta bat eman genion eraikinaren izaera osoa jarraia izan zedin.

Lehen solairuaren antolaketa berria:

-                          Izaera jarraitua gela eta mintegi irekiek ematen diote, nahi denean panel mugikor  bidez elementu hauetako bakoitza independente bihurtu daitekeelarik.

-                          Elementu itxiak bulegoak eta bainugelak lirateke, zeinak, eraikin osoan gertatzen den bezala, espazioaren separazio elementu bezala funtzionatzen duten.

 

 

Proiektuko estrategia berria

Gure proiekturako estrategia berriztatu dugu.

Ideia nagusiak hiriguneari erantzuna ematea eta parkeko gurena irekitzea izaten jarraitzen dute.

Barne espazioaren antolakuntzan berriz, aldaketa bat planteatzen dugu.

Erabileraren arabera2 gune:

ESPAZIO JARRAIA (taller + liburutegi + kafetegi + auditorio…)

Erabilera nahasketa eta funtzio aniztasuna. Espazio hauek guztiak itxiagoak izango diren beste espazio batzuekin banantzen joango gara eta korridore batekin lotu.

ESPAZIO ITXIAK (ikasgela, bulego eta mintegiak)

Erreferentzia modura aipagarria iruditzen zaigu BIGen shangaiko EXPOko Danimarkakopabilioi hau:

http://www.youtube.com/watch?v=CxUet-JUELY

Zamorako ondarearen ikerketa zentroaren lehen ideiak

Orubearen antolamendua: HUTSA/BETEA
Antolamendu honetan bi elementu nagusi bereizten dira: eraikin nagusia eta bigarren mailako eraikina. Bi elementu bereiztearen ideia modu independentean funtzionatzeko aukera zegoela ikusita hartu da.
Bi eraikinetan zehar banandu dira funtzio ezberdinak, bigarren mailako eraikinean publikoari gehiago zabaltzen diren ekintzak jarriaz (kafetegia, aldiriko erakusketa eta liburutegia). Eraikin nagusian aldiz, lanerako eta ikerketarako zuzendurik dauden ekintzak bideratu dira.
Bi eraikinen artean bi elementuak erlazionatuko dituen espazio publiko bat sortu da.



Eraikin nagusia: alde zaharrari bizkarra ematen dion pieza moduan ulertzen da. Alboko eraikinen altuerak errespetatzen ditu eta, honenbestez, alde zaharreko kaleen estutasun sentsazioa mantentzen da. Barnekaldera begiratuz gero, ordea, eraikina kanpo espaziora zabaltzen da, orubearen inguruko berdegunera zabaltzen delarik erlazio zuzena mantenduz. Honela, espazio itxi (kalea) batetik espazio ireki (berdegune, espazio publiko zabal) batera pasatzea ahalbidetzen duen elementua da.

Bigarren mailako eraikina